طبق رمضاني بالتفصيل بيتزا محشيه الأطراف

مكونات عجينه البيتزا طريقه عاليه جبرين

٦ كاسات طحين
اربع معالق سكر كبيره
معلقتين كبار خميره
معلقتين لبن كبار
معلقتين صغار ملح
اربع معالق زيت كبيره

 
كاستين مي دافيه للعجن
كل النواشف مع بعض بعدين المي شوي شوي لتتكون العجين وبنخمرها اقل شي ساعه
الكميه بتكفي ٣ صواني لارج
بترجعي بتعجنيها لما تخمر وبتقسميها ٣ كرات وبتريحيهم ١٠ دقايق وبتفرديها بالمشبك مع طحين بترجعي تريحيها ٥ دقايق طبعا بتدهنو الصواني زيت مع الاطراف

بيتزا خضار محشيه الاطراف
المكوات اول طبقه صلصه بيتزا جاهزه
الطبقه التانيه جبنه ماتزوريلا
وفوقها حطيت الببروني وممكن تحطي سلامي اونقانق
وفليفله خضرا رفيعه وبصل شرحات رفيعه وفطر طازج وزيتون اسود وبرجع برش جبنه ابل ما تستوي كمان

بيتزا الجاج
سفاين مسحبه ع نار عاليه مع ملح رشه من بهارات و هال مطحون وفلفل اسمر وتوم باودر وبصل باودر عصره ليمون وخل وأما تستوي قلبيها مع معلقتين زيت زيتون وانا ضفت عليها دريسنج الايطالي تبع السلطه وسازون جويا
اول طبقه صلصه بعدين الجبنه وفوقها الجاج والفليفله الخضرا والزيتون وابل ما تستوي كمان رشه جبنه

بيتزا الروبيان
اول طبقه صلصه وفوقها جبنه وبعدها روبيان مسلوقه ومصفيه من المي منيح وفليفله شرائح حمرا وخضرا وزيتون اسود وابل ما تستوي كمان رشه جبنه