طريقة احترافية لعمل الأوزي - سهل وسريع مع ورق الكلاج

طبق رمضاني : مدونة صباياالخير .. الاوزي
بتسلقي الجاج مع ورق غار وبصل وحب هال وعود قرفه وملح وبس
لما يستوي بتصفيه لأنه بدنا الشوربه
بطنجره تانيه حطي لحمه مفرومه ع النار لتنشف ميتها وبعدين حطي عليها مكعبات الجزر والبازيلا مع كوب صغير من شوربه الجاج وملح ورشه بهار كتير صغيره لحد ما يستوو وبعدين بتقلبيهم مع شويه زيت 

 
الرز البسمتي انا ما بنقعه بس بغسله منيح وبتحطي من شوربه الجاج عليه كاستين لكل كاسه رز وشويه كركم ليسير لونه مزهر اصفر فاتح كتير وضبطي الملح ع العالي اول ليتشرب بعدين ع الواااااطي واهم شي بعد ما يخلص سوى تتركيه يتفلفل من بخاره نص ساعه اقل شي
الجاج بتبليه بخلطه ملح وزيت وبهارات وشويه من شوربه الجاج ومعلقه لبن ومعلقه صلصه بندوره وتوم باودر وحمريه
للتقديم الرز فوقه الخلطه وفوقها الجاج والمكسرات وصحه وهنااااااا

بتجيبي ورق الكلاج وبتدهنيه بالسمنه وبتحطيه بصحن دائري بتحطي اللوز وفوقها خلطه البازيلا وبعدها الرز وبتسكريها وبتقلبيها من الصحن وبتحطي الصرر في صينيه مدهونه زيت وبتدهني الصرر سمنه او زبده من بره ليتحمرو وصحه وهنا

المصدر :: فيسبوك